Kanë dështuar të mbahen dy interpelancat e parapara sot në Kuvendin e Kosovës. Në rend dite ka qenë në interpelancë kryeministri Isa Mustafa dhe Ministri i Zhvillimit Ekonomik, Blerand Stavileci.

Kryeministri ishte thirrur në interpelancë sipas kërkesës së deputetes Donika Kadaj-Bujupi, e mbështetur edhe nga 15 deputetë nënshkrues, për çështjen e shfrytëzimit e thëngjillit dhe minierën e Sibovcit.

Kjo interpelancë u shty për shkak të mungesës së thirrëses  së kësaj interpelance, Donika Kadaj- Bujupi e cila gjendet në vizitë zyrtare jashtë vendit.

Ndërsa, interpelanca e ministrit Stavileci e thirrur nga deputetit Visar Ymeri, në lidhje me Kontratën e privatizimit të Kompanisë së Distribuimit të Energjisë Elektrike, nuk është mbajtur për shkak të mosprezencë në Kuvend të ministrit Stavileci./Insajderi.com