Një ngjarje tronditëse ka ndodhur mbrëmjen e sotme rreth orës 19:30 në fshatin Llapashticë të Podujevës, ku një person ka mbetur i vdekur si pasojë e të shtënave me armë zjarri.
Zëdhënësja e Policisë për rajonin e Prishtinës, Flora Ahmeti, ka konfirmuar për Insajderin se policia është njoftuar për të shtëna në këtë fshat dhe ka dalë menjëherë në vendin e ngjarjes.
“Rreth orës 19:30 jemi informuar për të shtëna me armë në fshatin Llapashticë të Podujevës. Me të arritur në vendin e ngjarjes, njësitet policore kanë hasur në një burrë pa shenja jete. Vdekja e tij është konstatuar nga ekipi mjekësor”, ka deklaruar Ahmeti.
Ndërkohë, burime të Insajderit bëjnë të ditur se i dyshuari për këtë vrasje është Arbër Havolli. Sipas të njëjtave burime, viktima dhe autori kanë qenë brenda të njëjtës veturë në momentin kur ka ndodhur ngjarja fatale.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
