Ish-polici, Xhelal Reçi është vrarë sot në Laç nga tre persona.

Sipas burimeve të Top Channnel, viktima dyshohet të ketë qenë prej kohësh në vëzhgimin e të dyshuarve.

Mësohet se dy nga personat kanë zbritur nga makina për të qëlluar Reçin në një ngushticë në afërsi të bizneseve të tij në Laç, ndërsa i treti ka pritur në makinë.

Në vendngjarje policia nuk ka gjetur gëzhoja armësh, por shpresa për zbardhjen e ngjarjes mbeten kamerat e sigurisë, duke qenë se është një zonë me shumë biznese.

Policia është vënë në kërkim të autorëve, ndërsa ka gjetur të djegur një makinë tip Toyota e cila dyshohet të jetë e autorëve, në Milot.

Makina e djegur është me targa italiane.