Komuna e Prishtinës ka ndarë 300 mijë euro për dezinsektimi hapësinor dhe atë për kujdesin parësor shëndetësor (KPSH-së), deratizimin, dezinfektimin dhe dezinsektimi i KPSH-së (DDD), deratizimin e rrjeteve të kanalizimit, garazhave, bodrumeve dhe hapësirave publike.

Drejtoria e Shëndetësisë ka bërë të ditur për Insajderin se dezinsektimi hapësinor është në fazen e tretë.

“Dezinsektimi hapësinor është në fazen e tretë, diten e pestë, duke u bazuar në planin dinamik të operimit”, kanë thënë nga Drejtoria e Shëndetsisë për Insajderin.

Kontrata për “Dezinsektimi hapësinor në Komunen e Prishtinës” është nënshkruar me datë 18.05.2021 dhe ka afat 36 muaj.

Nga Komuna e Prishtinës kanë bërë të ditur se për monitorimin dhe mbikëqyrjen e këtij procesi janë të angazhuar 13 persona nga Drejtoria e Shëndetësisë, QKMF dhe QMU.

Kujtojmë se dezinsektimi hapësinor në Komunën e Prishtinës ishte planfikuar të fillonte me pesë maj por për shkak të kushteve atmosferike dhe informative nga Instituti Hidrometeorologjik i Kosovës, ka filluar me 18 qershor. /Insajderi.org/