Prokuroria Themelore në Ferizaj ka njoftuar se pas aksionit të zhvilluar në komunën e Shtërpcës ka arrestuar 10 persona në mesin e tyre edhe ish-kryetari i komunës e zyrtarë të tjerë, shkruan Insajderi.

Siç bëhet e ditur në njoftim aksioni është duke u zhvilluar ende.

“Lidhur me këtë aksion deri më tani me urdhër të Prokurorit të Shtetit, janë arrestuar dhjetë (10) persona të dyshuar, në mesin e tyre edhe ish kryetari i komunës së Shtërpcës, drejtori i Urbanizmit, disa zyrtar të tjerë dhe pronar të firmave, për shkak të dyshimit të veprave penale “Marrja e ryshfetit”, “Dhënia e ryshfetit” dhe “Keqpërdorimi i pozitës apo autoritetit zyrtar” të Kodit Penal të Republikës së Kosovës (KPRK)”, thuhet në njoftim.

Lidhur me zhvillimet e tjera, prokuroria ka bërë me dije se do të njoftohemi me kohë.

“Për të gjitha zhvillimet tjera lidhur me këtë aksion do të njoftoheni me kohë nga ana e Prokurorisë”.

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman