Ekipi i Mikrosoftit ka shpenzuar rreth 1.5 milionë dollarë për të ndërtuar dhomën më të qetë në tokë e cila gjendet brenda kampusit Redmont të tyre në Uashington, shkruan Insajderi.
Pas ndërtimit të kësaj dhome, është zbuluar se është shumë e qetë për disa persona, dhe askush nuk ka qenë në gjendje të kaloj më shumë se 45 minuta të mbyllur brenda.
Dhoma është aq e qetë saqë shumë njerëz janë ankuar se gjithçka e tyre i shqetësonte, duke filluar nga zhurma e frymëmarrjes së tyre e deri tek gurgullima e stomakut.
Gjithashtu pas daljes nga dhoma, ka qenë e vështirë për shumë persona të përshtaten me kaosin që i rrethon në përditshmëri.
Ky ambient është 6.36 metra katror, i ndërtuar me gjashtë shtresa të betonit, secila nga ato rreth 30 cm e trashë. Ky izolim perfekt ndihmon në eliminimin e zhurmës që vjen nga ambienti i jashtëm.
Muret, dyshemeja dhe tavani janë të mbuluar me disa qarje gjigante nga një material shumë i fortë për të bllokuar çdo tingull.
Chris Kujaëski, drejtori i dizajnit në ekipin Mikrosoft, tha se kjo dhomë ishte shumë e rëndësishme për firmën, sepse tregon nivelin e punës dhe nuancën e produktit të tyre për të cilën shumë pak njerëz kanë njohuri./Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
