Ministri i Punëve të Brendshme të Shqipërisë, Saimir Tahiri, i ka organizuar një lamtumirë emocionale policit që u pensionua pas 45 viteve shërbim në policinë e shtetit.

Në shenjë mirënjohje, ministri Tahiri i ka bërë atij dhuratë motoçikletën të cilën zyrtari policor e kishte shfrytëzuar për 22 vite.

Ngjarja është incizuar dhe është publikuar në rrjete sociale.

Vetë ministri Tahiri ka thënë te jetë emocionuar në momentin kur i ka dhuruar policit motoçikletën.

“Emocion i pamasë edhe për mua, për të gjithë ne, pas 45 viteve në Polici, Xhemili doli sot ne pension. Faleminderit me gjithë zemër për shërbimin në Policinë e Shtetit. Frymëzim për të rinjtë e te rejat”, ka shkruar ai në llogarinë e tij në Facebook./Insajderi.com