Deputeti Dimal Basha nuk dëshiron të pyetet për formimin e Asociacionit të Komunave Serbe, të cilin e kërkojnë me ngulm ndërkombëtarët. Ai i ka thënë një gazetareje që po çon përpara agjendën e Presidentit serb, duke e përmendur këtë temë.

Basha i Lëvizjes Vetëvendosje do që të mos përmendet fare tema e Asociacionit nga gazetarët në Kosovë. Në të kundërtën, ai konsideron se, nëse pyesin për këtë, po çojnë agjenda të Serbisë dhe presidentit serb, Aleksandër Vuçiq.

“Meqenëse je gazetare e Republikës së Kosovës, po besoj, Asociacioni është çështje e Serbisë, që Serbia po do ta bëjë. Nëse ti je këtu për me ia çu agjendën përpara Vuciqit, atëherë unë s’po e kuptoj arsyen e Asociacionit”, dëgjohet të thotë deputeti Basha para gazetares së EkonomiaOnline, në një video të shpërndarë nga FrontOnline.

Ai e vazhdon këtë narrativë, duke përmendur vendimin e Gjykatës Kushtetuese, e cila ka gjetur shkelje në marrëveshjen për formimin e AKS-së. Por, nuk flet për thirrjet e ndërkombëtarëve, që të “zbatohen marrëveshjet” e nënshkruara në Bruksel.

“Gjykata Kushtetuese ka marrë vendim në lidhje me Asociacionin. E, cka ka të bëjë kjo me rënien ose ngritjen e një qeverie, apo tjetrës. Ka vendim të Gjykatës Kushtetuese. E, nëse ti do me bë temë akoma Asociacionin, e me i cu ujë mullirit të Serbisë, Vuciqit, atëherë është temë e jotja, unë nuk mund të ndihmojë në këtë muhabet”, ka thënë Basha.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur