Diplomati serb Zoran Millivojeviq thotë se fati i Marrëveshjes së Uashingtonit është në duart e Shteteve të Bashkuara, por se ai nuk beson se vlefshmëria e saj do të zgjatet pas 4 shtatorit, kur skadon moratoriumi për lobimin për çnjohjet e Kosovës.

Millivojevic ka deklaruar se ai nuk beson se Shtetet e Bashkuara do të këmbëngulnin me vendosmëri që marrëveshja të zgjerohet me kapacitet të plotë, dhe deklaroi se vlefshmëria e pjesës së saj ekonomike do të zgjatet, por në një shtrirje më të ngushtë.

Ai thotë se Uashingtoni nuk ka treguar deri më tani se do ta respektojë atë marrëveshje, veçanërisht në lidhje me statusin e Kosovës.

Millivojeviq ka thënë se administrata amerikane qëndron fort në njohjen reciproke të Serbisë dhe Kosovës, dhe shtoi se Shtetet e Bashkuara nuk kanë vërejtje për Kosovën në lidhje me lobimin e saj për njohje të reja.

Ai beson se “në momentin kur Kosova vazhdon fushatën e njohjes, e cila është e papranueshme për Serbinë, dhe nëse nuk ka reagim nga Uashingtoni, nuk mund të konsiderohet se marrëveshja e Uashingtonit është ende në fuqi”.

“Në këtë kuptim, ne nuk kemi detyrime. Nuk na mbetet gjë tjetër veçse t’i kthehemi politikës së çnjohjeve”, pretendon Millivojeviq.

“Nëse Prishtina vazhdon politikën e lobimit për njohje, pala serbe me siguri do të vazhdojë politikën e çnjohjeve”, kërcënon ish diplomati i Millosheviqit. “Fati i marrëveshjes së Uashingtonit nuk është në duart e Serbisë, ai varet kryesisht nga pozicioni i Uashingtonit, dhe nëse Uashingtoni do të këmbëngul në vazhdimin e veprimeve të tij, por me detyrimin për të respektuar të gjitha dispozitat, do të ishte në favor të krijimit të një mjedisi më të mirë politik”, pretendon Millivojeviq./Insajderi.org.