Komuna e Dragashit e udhëhequr nga Bexhet Xheladini i LDK’së, ka nënshkruar kontratë 22 mijë euro për një vizitë gjashtëditore në Austri për stafin dhe delegatët e Kuvendit Komunal. Me tender është shpërblyer një kompani që merret me prodhimin e bukës dhe ëmbëlsirave. “Sweet Bakery SH.P.K” nuk ka asnjë aktivitet që figuron se merret organizimin e udhëtimeve. Insajderi ju sjell detaje.

Gazeta Insajderi

Komuna e Dragashit, dje, më 15 maj, ka nënshkruar kontratë për “Vizitë studimore të delegatëve dhe stafit të Kuvendit të komunës për në Republikën e Austrisë”.

Çmimi i parashikuar i kontratës ka qenë 22 mijë euro.

Komuna e Dragashit e ka shpërblyer me këtë tender kompaninë “Sweet Bakery SH.P.K”.

Me vlerën e përgjithshme të kontratës prej 22 mijë euro.

Gazeta Insajderi ka hulumtuar rreth kompanisë fituese Sweet Bakery SH.P.K, e që aktivitetet e saj, dhe tenderit që ka fituar janë plotësisht të kundërta. Kështu duke shtuar dyshimet rreth kësaj kontrate.

Sweet Bakery SH.P.K është biznes me pronar Gazmend Hotin.

Aktivitet kryesor i këtij biznesi është “Prodhimi i bukës, simiteve dhe ëmbëlsirave të freskëta“.

Aktivitet sekondar është “Përpunimi i produkteve të tjera ushqimore p.k.t”

Sipas detajeve të tenderit, vizita në Austri do të zgjatë gjashtë (6) ditë.

Ditën e parë vizitohet katedralja e Shën Demnius dhe pallati i Dioklecianit.

Dita e dytë shëtitje në Maribor apo Zagreb.

Dita e tretë eksplorim i Qendrës historike të Vienës, dhe mbrëmje relaksuese në Prater.

Dita e katërt, është dita e relaksit dhe ‘shopingut’ per stafin e komunës.

Dita e pestë vizitohen kulturat dhe arti në Linz.

Dhe dita e e gjashtë, pas shëtitjeve në Zadar, dhe pasi darkës bëhet nisja për në Dragash.

Gazeta Insajderi ka dërguar pyetje në komunën e Dragashit, se si është shpërblyer me kontratë vizite, një kompani që ka primare prodhimin e bukes dhe ëmbëlsirave, mirëpo deri në publikimin e këtij teksti nuk kanë kthyer ndonjë përgjigje.

Insajderi.org

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!