Kryetari i Komunës së Skenderajt, Fadil Nura, vizitoi sot familjen e Driton Shatrit nga fshati Llaushë, e cila ka përjetuar një ngjarje të rëndë pas djegies së plotë të shtëpisë së tyre disa ditë më parë.

Sipas Nurës, shkaku i zjarrit mbetet ende i panjohur, por fatmirësisht nuk ka pasur të lënduar nga incidenti.

Në lidhje me situatën, Nura njoftoi se Komuna ka ndërmarrë veprime të menjëhershme për të mbuluar shpenzimet e qirasë për një banesë të përkohshme për familjen Shatri, deri në momentin kur do të jetë e mundur të kthehen në një shtëpi të re.

“Si Komunë, kemi ndërmarrë veprimet e nevojshme për të mbuluar shpenzimet e qirasë për banim të përkohshëm, derisa të mundësohet kthimi në një shtëpi të re,” tha Nura.