Gjykata e Apelit në kuadër të Dhomave të Specializuara në Hagë ia ka ulur dënimin për krime lufte Salih Mustafës.

“Cali” ishtë dënuar me 26 vjet burgim, pastaj Apeli ia kishte ulur në 22. Vendimi i fundit pas rikthimit në Apel thotë se “Cali” tashmë është i dënuar me 15 vjet burgim.

Për këtë, ka reaguar Fahri Fazliu, nipi i dëshmorëve Bahri dhe Fahri Fazliu, i cili e ka quajtur Mustafën hero.

“Lufta ishte e drejtë e pashmangshme dhe e domosdoshme! Komandant Salih Mustafa – Cali, E di që gjithmonë qëndron i fortë! Për ne që të njohim do të mbetesh gjithmonë HERO! Lavdia e luftës tënde çlirimtare dhe respekti për ty do të jetë gjithmonë!”, thuhet në postimin e tij. /Insajderi.org/