Kryetari i Listës Guxo, Faton Peci ka linçuar deputeten Doarsa Kica- Xhelili e cila sot ka kaluar në Lidhjen Demokratike të Kosovës nga Guxo. Gjatë debatit në Politiko në Kanal10 ai ka thënë se publiku nuk edi emrin e saj të saktë Doarsa apo Daorsa e që sipas tij kjo tregon shumë çka.

Peci u tha panelistëve se fakti që opinioni nuk ia di emrin e saktë, flet diçka.

‘Është mirë me ju tregu që e ka emrin Doarsa e jo Daorsa. Për çështje të korrektësisë. Edhe kjo flet diçka, fakti që ende edhe emri nuk është i njohur për opinion, flet diçka”, tha Peci në Politiko.

Ndërsa emri i saktë i presidentës, shefës së Faton Pecit, ende është problem real edhe për mediat jashtë territorit të Kosovës. Hiç më larg se në Shqipëri.

Por, më të shpeshtat janë rastet kur mediat në Kosovë bëjnë Vox’a me qytetarë në sheshin Nënë Terezë. Për gati çdo javë dikush e bënë për të qeshur publikun duke e quajtur Vjosa Osmanin me emrin Vjollca.

Peci para dy muajsh vetë ishte ankuar se fëmijët e tij po bullizohen në shkollë për shkak të mbiemrit.

“Më ka preokupu edhe që dy fëmijët e mij në shkollë kanë filluar të stigmatizohen për shkak se kujt janë dhe cfarë mbiemri mbajnë. Kjo është pjesa që më ka prek. Ky raportim medial i shtyjnë shokët ë shoqët e fmijëve të mij t’i përqeshin fëmijët e mi”, kishte thënë ai.

Ndryshe, Ministri i Bujqësisë, Faton Peci dhe ministrja e Punëve të Jashtme, Donika Gërvalla, janë zgjedhur kryetarë të përbashkët të Partisë Guxo.

373 delegatë kanë votuar për këtë vendim, 23 kundër dhe 3 kanë abstenuar.

Të dy kryetarët do të kenë kompetenca të barabarta, ndërsa zgjedhjen e dy kryetarëve e ka mundësuar statuti i ri i këtij subjekti politik, që është miratuar para se të votohet për kryetar.