Dogana e Kosovës ka njoftuar se sot është zhvilluar një operacion i suksesshëm në Prizren, ku është zbuluar një sasi e madhe e barnave të paligjshme, të fshehura në vende të ndryshme.

Në njoftimin e doganës bëhet e ditur se janë sekuestruar 633 paketime barnash me një vlerë mbi 5 mijë euro.

“Në një operacion të suksesshëm të Njësive të Doganës së Kosovës sot në regjionin e Prizrenit, është zbuluar një sasi e madhe e barnave të paligjshme, të fshehura në vende të ndryshme”.

“Këto barna ishin kontrabanduar në Kosovë dhe si rezultat i punës operative, është identifikuar lokacioni (barnatore) e cili sot u bastis. Janë sekuestruar plot 633 paketime barnash me një vlerë mbi 5000 euro”, thuhet tutje në njoftimin e doganës.