Presidentja Vjosa Osmani kohëve të fundit po tenton të paraqitet si kursimtare e madhe e buxhetit të shtetit.

Si “kursimtare”, por vetëm në letra, ajo ka udhëtuar këto ditë edhe drejt Gjermanisë për të marrë pjesë në Konferencën e Sigurisë në Mynih, ndonëse emri i saj zyrtarisht nuk figuron askund në agjendën e kësaj konference.

E përveç kartelës bankare të presidentes, që në të kaluarën kishte limit të shpenzimeve deri në pesë mijë euro, që duket se Osmani e shfrytëzon më shumë, për ta paraqitur veten si kursimtare dhe duke u kujdesur që shumë prej shpenzimet të mos i regjistrojë në emër të saj, si avanc për udhëtimin në Mynih ajo i mori vetëm 252 euro.

Megjithatë, presidentja Osmani nuk udhëtoi e vetme drejt Mynihut dhe avanc shumëfish më të madh morën tre këshilltarët që po e shoqërojnë, Artan Murati, Donjeta Miftari dhe Drita Perezic.

Demokracia.com e ka siguruar dokumentin që tregon sa para morën si avanc Osmani dhe stafi i saj më 15 shkurt për këtë udhëtim zyrtar në Gjermani.

Këshilltari Artan Murati, i cili figuron si person përgjegjës për shpenzimet, faturat e shpenzimeve dhe raportimin pas përfundimit të udhëtimit, sipas dokumentit të siguruar nga Demokracia.com, i ka marrë avanc gjithsej 2 mijë e 86 euro. Ndërsa, dy këshilltaret e tjera të Osmanit, Donjeta Miftari dhe Drita Perezic, secila i kanë marrë nga 1 mijë e 86 euro.

Si fond rezervë, për shpenzime të paparashikuara figurojnë të tërhequra gjithsej 1 mijë euro.

Një biletë kthyese Prishtinë-Mynih, siç konfirmohet lehtësisht nga kërkimet online, kushton mesatarisht rreth 350 euro për person.

Demokracia.com e ka pyetur edhe Zyrën e Presidentes lidhur me shpenzimet dhe shoqëruesit e presidentes në udhëtimin zyrtar në Gjermani, mirëpo deri më tani nuk ka pranuar asnjë përgjigje.

Në fund të janarit, presidentja Osmani kishte publikuar shpenzimet e Zyrës së Presidentit nga viti 2013 e deri në vitin 2021.

Demokracia.com kishte mësuar se te shpenzimet e presidentëve të tjerë ishin përfshirë edhe shpenzimet e ish-presidentëve që kanë zyra të vetat dhe që u mbulohen shpenzimet nga Presidenca, përfshirë edhe shpenzimet e tjera të ish-kabineteve, ndërsa tek shpenzimet e presidentes Osmani ishin përfshirë vetëm shpenzimet që janë të regjistruara në emër të saj. 

IN Promo Marketing

Pijet Tona, Shija Juaj!

Udhëto nga Baseli drejt Prishtinës, përfitoni nga ofertat speciale!

Suksesi i radhës për ‘R & Rukolli Group’: Pijet e reja depërtojnë në tregun gjerman