Deputetja e Lëvizjes Vetëvendosje, Donika Kadaj-Bujupi, ka refuzuar që të largohet nga foltorja  Kuvendit të Kosovës edhe pse asaj i përfundoi koha e caktuar për deklarim jashtë rendit të ditës.

Me të përfunduar koha e caktuar, ajo vazhdoi fjalimin e saj, duke refuzuar kështu t’i bindej kërkesës së Xhavit Halitit, kryesues i seancës, që të lirojë foltoren.  Haliti i ndali asaj mikrofonin, por ajo vazhdoi fjalimin e saj.

Haliti kërkoi nga ajo disa herë që ajo të lirojë foltoren, por deputetja nuk ka dëgjuar për një kërkesë të tillë.

Kjo është seanca e parë pas disa muajve që Lëvizja Vetëvendosje merr pjesë në një seancë të kuvendit.

Mediat raportuan se me kthimin e Vetëvendosjes në Kuvend janë rikthyer edhe masat e shtuara të sigurisë në ambientet e kuvendit./Insajderi.com