Kryeprokurori i Gjykatës Ndërkombëtare Penale është larguar përkohësisht nga detyra deri në përfundimin e një hetimi për sjellje të pahijshme seksuale nga ana e tij.

Khan do të marrë leje deri në fund të hetimit të jashtëm, i cili filloi në fund të vitit të kaluar, dhe zëvendësprokurorët e tij do të drejtojnë zyrën në mungesë të tij, tha gjykata në një deklaratë.

Sipas mediave në raport, akuzat ndaj Khan përfshijnë prekje seksuale të padëshiruara dhe “abuzim”.

Vetë ai i ka mohuar akuzat, të cilat iu raportuan organit drejtues të gjykatës në tetor të vitit të kaluar.

Disa organizata dhe anëtarë të stafit të GJND-së kishin bërë thirrje më parë që Khan të jepte dorëheqjen gjatë hetimit, që nuk dihet se kur do të përfundojë.

Mediat ndërkombëtare raportojnë se Khan i dërgoi një letër stafit të tij duke konfirmuar lejen e tij të përkohshme, dhe në të cilën prokurori tha se pozicioni i tij ishte mbajtur nën shqyrtim të vazhdueshëm.

Menjëherë pasi akuzat dolën në dritë vitin e kaluar, Khan i kërkoi organit mbikëqyrës të gjykatës, Mekanizmit të Pavarur Mbikëqyrës, të kryente një hetim të brendshëm mbi pretendimet.

Hetimi vjen pasi Khan ka kërkuar urdhër-arreste të lidhura me luftën Izrael-Hamas përfshirë edhe për kryeministrin izraelit Benjamin Netanyahu për krime të dyshuara lufte në Gaza.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!