Vdekja e Astrit Deharit ka prekur edhe shqiptarët që jetojnë në Mbretërinë e Bashkuar.

Disa prej tyre sot kanë protestuar para Ambasadës së Kosovës në Londër. Me parulla në dorë edhe protestuesit atje kanë kërkuar “Drejtësi për Astritin”.

Madje një parull ku shkruan “Justice” (Drejtësi) ata e  kanë vendosur edhe në hyrje të ambasadës.

Astrit Dehari ka vdekur më 5 nëntor të këtij viti në Qendrën e Paraburgimit në Prizren. Rezultatet e autopsisë së vdekjes së tij, të lëshuara nga Prokuroria e Kosovës, thonë se ai ka bërë vetëvrasje.

Protesta në kërkim të drejtësisë për vdekjen e tij janë organizuar në shumë qytete të Kosovës. /Insajderi.com