Dikasteri i Kulturës në Qeveri që ka marrë përsipër ndërtimin e Stadiumit të Gjilanit, pasi që komuna dështoi, i kanë dalë sërish telashe. Tash ka njoftuar se e ka pezulluar këtë tender.

Lidhur me pezullimin ka reaguar Drejtori Sportiv i FC Drita, Valon Zymberi.

Ai ka kërkuar rishikim dhe ridizajnim të projektit.

Sipas tij kjo është një mundësi për të ndërtuar një stadium dinjitoz dhe me standarde moderne, duke e kritikuar projektin aktual si të papërshtatshëm për një qytet me histori të pasur futbollistike.

“Nëse shohim projektet e stadiumeve të qyteteve të tjera, shihet qartë se stadiumi i Gjilanit është projekti më i dobët. Më shumë ngjan me një stacion autobusësh sesa me një arenë futbolli,” ka shkruar Zymberi, duke theksuar se ky stadium nuk i plotëson kriteret për një impiant modern që do t’i shërbente qytetit për dekada.

Ai ka bërë thirrje që të dy klubet e qytetit, si dhe gjithë komuniteti sportiv e politik, të bashkohen për të kërkuar një projekt të denjë, duke e cilësuar diskriminues krahasuar me projektet e tjera që po realizohen në Kosovë.

Statusi i plotë:

RISHIMIKI DHE RIDIZAJNIMI I PROJEKTIT TË STADIUMIT TË QYTETIT ËSHTË I DOMOSDOSHËM

Njoftimi nga MKRS-ja për pezullimin e sërishëm të tenderit për stadiumin e Gilanit tregon për një “sezon të ri të serialeve turke” që na pret edhe këtë vit lidhur me tenderin e stadiumit, por ne duhet ta shfrytëzojmë këtë moment për të mirën e qytetit!

Nëse i shiqojmë projektet e stadiumeve të qyteteve tjera, shihet që stadiumi i Gilanit është projekti që më shumë ngjason një statcion të autobusëve se sa një stadium.

Në qytete evropiane stadiume si ky i Gilanit i nxjerrin nga funksioni sepse nuk janë më stadiume që përmbushin kriteret e një stadiumi me standarde moderne, kurse ne pretendojmë që ta ndërtojmë një stadium të till dhe ta kemi në shërbim për 20-30 vitet e ardhshme ndoshta edhe më gjatë.

Qyteti i Gilani meriton stadium me projekt modern sikur të qyteteve tjera e jo sikur ky që është projektuar para 10viteve e i cili ndoshta për atë kohë ka qen i pranueshëm.

Ky shqetësim sa më shpejtë duhet të ngritet nga dy klubet e qytetit e pastaj të përkrahet edhe nga spektri politik lokal dhe nga i gjithë komuniteti sportdashës sepse bëhet fjalë për një aset të qytetit në të cilin do të kalojnë shumë gjenerata.

Nuk është e vështirë të dallohet diskriminimi që i është bërë Gilanit me këtë projekt, vetëm shihni fotot e stadiumeve(projekte të prezantuara nga MKRS)që do të bëhen në qytetet tjera dhe shih stadiumin e Gilanit që nuk e ka as gjën më elementare, mbulojen e tribunave

Nëse kemi prit qe 8 vjet, po presim edhe sivjet po bile le te bohet qysh duhet.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!