Drejtori i Real Madridit, Emilio Butragueno, ka thënë se Manchester City është kundërshtar shumë i vështirë, por ka shtuar se gara e Ligës së Kampionëve për madrilenët është e veçantë.
“E njohim shumë mirë njëri-tjetrin. City është skuadër e madhe dhe me shumë eksperiencë. Do të jetë kundërshtar i vështirë. Por kjo garë është shumë e veçantë për ne. E luajmë ndeshjen e dytë në Bernabeu. Duhet të marrim rezultat të mirë në Manchester dhe nëse ia arrijmë një gjëje të tillë, jam i sigurt se me përkrahjen e tifozëve, do të kemi më shumë shanse në ndeshjen kthyese për të avancuar në fazën e 16 skuadrave më të mira”, ka thënë Butragueno për “Marcan” menjëherë pas shortit.
Fituesi i kësaj ndeshjeje do të takohet me Atletico Madridin apo Bayer Leverkusenin në 1/8 e finales.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
