Ish deputeti, Gani Geci ka reaguar pas vrasjes në Serbi të Faton Hajrizi.

Ai ka treguar se e ka njohur atë sa ishte në burgun e Smrekonicës.

Geci ka ndarë edhe një pjesë të bisedës me Faton Hajrizin, të cilën thotë se e kishte bërë në ditën që vetë ishte liruar nga burgu i Smrekonicës.

“Atë ditë thash: Faton edhe disa muaj e ke kushtin të lutem për hatër të babës e për hatër të nanës, të cilët u kujdesen për ty për tër kohën sa ke qëndru në burg, rri  mirë se këtu është tipi i hapur i burgut dhe ke të drejtë edhe të punosh jashtë institucionit, ja lexova nenet e Ligjit mbi Ekzekutimin e Sanksioneve Penale, “për të drejtën për punë”, për të drejtën e “lirimit me kusht”  i thash ke me pas mundësi me punu, ke me marr kushtin edhe ke mu u liru.Për hatër të nanës tane Faton, martohu me atë vajzën që je në lidhje dhe krijo familje dhe stabilizohu“, tha Geci.

Tutje ai ka zbuluar se pasi është liruar nga burgu, ka pranuar një telefonatë nga Faton Hajrizi, i cili i ka kërkuar rroba pasi do takohet me të dashurën kur të del nga burgu në vikend.

Ai tha se Hajrizi i kishte thënë se kishte plane për martesë.

“Ia lash të gjitha gjësendet e mia të dhomës, kur unë u lirova. Më thirri në telefon disa ditë pasi u lirova, më tha po më duhen një komplet tesha se kam me dal në vikend dy ditë dhe du mu taku me të dashuren time dhe du mu martu. Erdhi babai i Fatonit ia dhash nji kompletin me tesha dhe doli ne vikend. Kur doli në vikend kish ardh në fabrik të më vizitojë por unë qëllova në Prishtinë. Ne fabrik kishte taku vëllaun Fadilin edhe ai kishte dhënë këshillat e njejta“, ka shkruar Geci në “Facebook”.