Policia e Kosovës njoftoi se në raste të ndara, dy punëtorë kanë pësuar lëndime trupore derisa po punonin në Prizren.

Sipas njoftimit, rasti i parë ka ndodhur në orën 10:00 në fshatin Krushë e Vogël, ku viktima është dërguar në Spitalin e Prizrenit pasi ka pësuar lëndime të rënda në vendin e punës.

Për rastin është njoftuar edhe prokurori dhe janë nisur hetimet. Rasti është iniciuar si “lëndim i rëndë trupor”.

Ndërsa, në orën 15:50 një person është rrëzuar derisa po punonte dhe ka pësuar lëndime të rënda trupore. Ai është dërguar në QKUK për trajtim. Hetimet po vijojnë, e rasti u inciua si “asgjësim apo heqje e pajisjeve mbrojtëse”.