Grupi monitorues ka thënë se 46 persona kanë mbetur të vdekur nga dy shpërthime në qytetin sirian Homs.

Observatori i Sirisë për Të Drejtat e Njeriut ka thënë se së paku një qind të tjerë kanë mbetur të lënduar nga shpërthimet, raporton Euronews

Televizioni shtetëror i është referuar guvernatorit të qytetit të Homsit, duke thënë se së paku 25 persona kanë mbetur të vrarë.

Bombat e vendsoura në vetura në qendrën e qytetit në distriktin Zahara të kontrolluar nga qeveria, kanë shpërthyer duke bërë kështu sulmet më të mëdha në këtë qytet në pesë vitet e konfliktit në Siri, raporton Insajderi.

Policia thotë se dy veturat kanë qenë të parkuara në dy anët e kundërta në udhëkryq. Shpërthimi i parë e ka sjellë edhe shpërthimin e dytë.

Zahara ka qenë caku edhe i sulmeve të mëhershme. Gjatë muajit të kaluar, një sulm i dyfishtë ishte organizuar nga ISIS-i.

Deri më tash askush nuk e ka marrë përgjegjësinë për sulmet e së dielës./Insajderi.com