Skuadra e Konyasporit ka shënuar fitore 2:0 ndaj Pendiksporit në ndeshjen e javës së 28-të në Superligën e Turqisë.

Dy gola në këtë ndeshje u shënuan nga lojtarët shqiptarë.

Fillimisht në minutën e 12’të, sulmuesi i Kombëtares së Shqipërisë, Sokol Cikalleshi shënoi për 1:0 nga pika e bardhë e penalltisë.

Në minutën e 73’të, ishte Valon Ethemi që shënoi për 2:0 dhe për t’ia siguruar fitoren ekipit të tij.

Në këtë ndeshje nuk pati minuta fare për lojtarin tjetër shqiptar, Endri Çekiçi.