Dy persona janë arrestuar në Tiranë për shpërndarje të lëndëve narkotike.
Sipas policisë, i dyshuari i parë lëvizte me taksi të ndryshme, për të shpërndarë doza heroine.
“Në bashkëpunim dhe me Seksionin për Hetimin e Narkotikëve në përfundim të veprimeve procedurale për rastin, shtetasi F. K. u vu në pranga, për veprën penale “Prodhimi dhe shitja e narkotikëve”, thuhet në njoftimin e policisë.
Poashtu në pranga ka rënë edhe një 36-vjeçar, banues në Fier, nga kontrolli në automjet e të cilit u gjet një pako me 56 gramë kokainë.
“Në bashkëpunim dhe me Seksionin për Hetimin e Narkotikëve, në përfundim të veprimeve procedurale për rastin, 36-vjeçari u vu në pranga, për veprën penale “Prodhimi dhe shitja e narkotikëve”, thuhet tutje në njoftim.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
