Dy persona u plagosën në një të shtënë me armë pranë një xhamie në qytetin suedez të Orebros, tha policia në një deklaratë, duke shtuar se rasti po hetohej si tentativë vrasjeje.

Të dy viktimat u dërguan në spital, njoftoi një zëdhënës i policisë.

Ai nuk pranoi të komentonte mbi shkallën e lëndimeve të tyre, shkruan Reuters.

Transmetuesi publik SVT raportoi, duke cituar një dëshmitar okular të paidentifikuar, se një person u qëllua menjëherë pasi doli nga xhamia pas lutjeve të së premtes.

Autori i krimit ende nuk është kapur dhe nuk është e qartë nëse ata kishin në shënjestër xhaminë apo individë të caktuar.

Shërbimet e emergjencës ishin të pranishme në numër të madh në vendngjarje dhe policia i ka kërkuar publikut të qëndrojë larg.

Ndryshe, në shkurt, dhjetë studentë dhe mësues u vranë në një të shtënë me armë në Orebro, në atë që u bë sulmi më vdekjeprurës me armë në Suedi.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!