Shërbimi Spitalor Klinik dhe Universitar i Kosovës (SHSKUK) ka njoftuar për mjetet shpërthyese që janë gjetur në Institutet Paraklinike në QKUK.

Në njoftimin e SHSKUK-së, thuhet se mjetet shpërthyese dyshohet të jenë nga nga koha e paraluftës, shkruan Gazeta Insajderi.

“Menjëherë pas marrjes së informatës, policia ka dalë në vendin e ngjarjes dhe ka ndërmarrë të gjitha veprimet e nevojshme për të siguruar nga rreziku i shpërthimit eventual, duke evakuar personelin përreth dhe siguruar perimetrin e nevojshëm”, thuhet në njoftim.

“Në vendngjarje po ashtu janë ftuar edhe ekipet e specializuara të Policisë së Kosovës për menaxhimin e mjeteve shpërthyese”.

“Mjetet dyshohet të jenë nga koha e paraluftës dhe janë gjetur gjatë inventarizimit të inventarit nga Oda e Mjekëve”.

Policia e Kosovës sot rreth orës 14:00 ka pranuar informatë për një mjet shpërthyes në klinikën e Patologjisë, konkretisht në institutin para klinik.

Lajmin për Gazetën Insajderi e ka konfirmuar zëdhënësi i policisë për rajonin e Prishtinës, Agron Borovci.

“Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme për tu siguruar nga rreziku i shpërthimit eventual, duke evakuuar personelin përreth dhe siguruar perimetrin e nevojshëm”, thuhet në përgjigjen e policisë.

Tutje nga policia kanë thënë se në vendngjarje janë ftuar edhe ekipet e specializuara të Policisë së Kosovës për menaxhimin e mjeteve shpërthyese.

“Në vendngjarje po ashtu janë ftuar edhe ekipet e specializuara të Policisë së Kosovës për menaxhimin e mjeteve shpërthyese, të cilët aktualisht po vazhdojnë punën deri në pastrimin e plotë të perimetrit të siguruar nga ana e policisë”. /Insajderi.org/