E dashura e Liam Payne, një ish-anëtar i grupit të djemve One Direction, i cili u nda nga jeta në tetor 2024, Kate Cassidy ka dhënë intervistën e saj të parë që nga vdekja e tij.

Influencuesja ishte me Liamin në pushime para vdekjes së tij. Gjatë një interviste për The Sun, ajo tha se do të donte të kishte qëndruar me të në Argjentinë, sepse u kthye në Florida disa ditë para vdekjes së tij, transmeton Indeksonline.

“Kisha përgjegjësi. Ne kishim një qen dhe padyshim nuk e kisha menduar kurrë se do të ndodhte diçka e tillë,” tha Kate. Çifti, i cili ishte në një lidhje prej dy vitesh para tragjedisë, kishte një qen, Nala, të cilën e adoptuan. Ajo thotë se vdekja e Liam ishte një “aksident tragjik” dhe se ajo kurrë nuk e kishte menduar se ai do të vdiste i ri.

“E dini, ne kishim jetë të ndara. Kjo nuk është hera e parë që kemi qenë në udhëtime të ndara. Nuk e kisha menduar kurrë se kjo do të ndodhte, se do të rezultonte kështu. Më duket ende joreale që ai nuk është këtu. Mendoj për të çdo sekondë çdo ditë”, tha ajo.

“Që nga momenti që takova Liam, besova vërtet se ishim binjakë shpirti. Ai ishte personi më i përulur, simpatik dhe normal që mund të takoni. Ai është me të vërtetë një nga njerëzit më të mirë që kam takuar ndonjëherë në jetën time,” tha ajo.

View this post on Instagram

A post shared by Kate Cassidy (@kateecass)