Dy persona përfunduan dje në pranga dhe dy të tjerë në kërkim në një aksion të Policisë së Kosovës, nën dyshimin për ‘fajde dhe detyrim’. 

Policia ka dhënë detaje në raportin 24 orësh lidhur me rastin.

Sipas Policisë, të dyshuarit në këtë rast në vazhdimësi kanë ushtruar presion dhe kërcënime ndaj viktimës me qellim të marrjes se interesit nga veprimtaria e fajdesë duke e detyruar të njëjtën të veprojë në dëm të pasurisë se tij dhe si rezultat i veprimeve të kundërligjshme të dyshuarit i kanë shkaktuar dëme materiale viktimës në vlerën mbi 600 mijë euro, duke e detyruar viktimën që ta mbyllë dhe ta shes kompaninë e tij.

“Ka filluar  realizimin e operacionit policor për arrestimin e personave të dyshuar të përfshirë në veprat penale ‘Fajde’ dhe ‘Detyrim’. Gjatë hetimit të këtij rasti janë gjetura prova, se të dyshuarit kanë kryer veprat penale të ‘fajdesë’ dhe ‘detyrimit’ për të cilat janë hetuar. Të dyshuarit në këtë rast  në vazhdimësi kanë ushtruar presion dhe kërcënime ndaj viktimës me qellim të marrjes se interesit nga veprimtaria e fajdesë duke e detyruar të njëjtën të veprojë në dëm të pasurisë se tij dhe si rezultat i veprimeve të kundërligjshme të dyshuarit i kanë shkaktuar dëme materiale viktimës në vlerën  mbi 600.000 euro, duke e detyruar viktimën që ta mbyllë dhe ta shes kompaninë e tij”, thuhet në njoftim.

Lidhur me rastin janë sekuestruar tri vetura, motorë sportiv, armë dhe municion.

Gjatë këtij operacioni janë arrestuar 2 të dyshuar meshkuj kosovarë, ndërsa lidhur me rastin janë sekuestruar tri vetura, motorë sportiv, armë dhe municion, kartëmonedha euro, dokumente të ndryshme si dhe dëshmi tjera materiale të cilat do të përdoren në procedurën penale ndaj  të dyshuarve. Me vendim të prokurorit, të dyshuarit janë dërguar në mbajtje”, thuhet në raport.

Insajderi dje ka raportuar se gjykata ka miratuar kërkesën e Prokurorisë për 30 ditë paraburgim për babë e bir nga Gjilani qe dyshohen për fajde.

Gazeta Insajderi ka publikuar edhe dosjen e Prokurorisë, për babë e bir nga Gjilani qe dyshohen për fajde.

Në kërkesën e Prokurorisë theksohet se Mefail Shkodra dhe Edonis Shkodra kanë shfrytëzuar gjendjen financiare të viktimës i cili ka kërkuar para me fajde në shumën prej 60 mijë euro dhe 10 mijë euro.

“Eksiton dyshimi i bazuar se dy të pandehurit Mefail Shkodra dhe Edonis Shkodra, me dashje dhe në bashkëkryerje dhe pas marrëveshjes paraprake duke shfrytëzuar gjendjen e rëndë financiare të R. A, tani i demtuari, i cili ka kërkuar nga të pandehurit para me fajde në shumë prej 60.000€ dhe 10.000€, dhe pas pranimit të marrëveshjeve me të pandehurit gjatë vitit 2020 – 2023, të pandehurit i kanë ofruar paratë me fajde dhe kanë kërkuar shumat e parave dhe kthim dukshëm joproporcionale dhe me parat e kërkuara në këmbim të shërbimit“, thuhet në vendimin që e ka siguruar Insajderi.

Si funksionin fajdexhinjtë?

Në dosjen të cilën e ka parë Insajderi janë dhënë edhe detaje se si është dëmtuar viktima në anën financiare nga të dyshuarit.

Për shumën prej 60.000 € i kane kërkuar kamatën mujore prej 10 mijë euro dhe borxhi/fajdeja kishte arritur deri ne shumën prej 110.000€, €, të cilën e pagaun i dëmtuari

Për shumën prej 10.000€ i kanë kërkuar kamatën për vonesë 3 ditore prej 3.000€, dhe borxhi/fajdeja kishte arritur deri në shumën prej 37.000€, të cilin e paguan i dëmtuari,

Për shumën prej 45.000€ i ka kanë kërkuar qe t’i ndërtoj shtëpi dhe me pas i kanë kërkuar borxh/fajde ne shume prej 75.000€, . .

Për shumën prej 80.000 mijë euro i dëmtuari detyrohet të paguaj kamate/ fajde prej 1500€ ne muaj, dhe i dëmtuari paguan 18.500€ te pandehurve, ndërsa borxhi prej 80.000€ mbetet i pa paguar,
me rast i dëmtuari ka pësuar humbje financiare.