Një person ka humbur jetën dhe pesë të tjerë kanë mbetur të lënduar nga aksidenti i ndodhur mëngjesin e sotëm në Dollc të Klinës.

Viktima e këtij aksident është 23 vjeçari, Sadik Muslija nga Fshati Dujakë i Gjakovës.

Zëdhënësi i prokurorisë në Pejë, Shkodran Nikçi ka konfirmuar se trupi i pajetë i viktimës është dërguar në IML.

“Si pasojë e aksidentit, shoferi i automjetit ka ndërrua jetë ndërsa disa persona që kanë qenë udhëtar në autobus kanë pësuar lëndime të lehta trupore. Prokurori i shtetit me njësitë relevante ka dalë në vendin e ngjarjes. Trupi i pajetë i viktimës është dërguar për autopsi në IML”, ka deklaruar Nikçi për Insajderin

Lidhur me rastin janë deklaruar edhe nga Spitali i Pejës.

“Spitali i Përgjithshëm në Pejë njofton opinionin publik se, si pasojë e një aksidenti trafiku të ndodhur në fshatin Dollc të Klinës, në Emergjencën e Spitalit është sjellë një person pa shenja jete. Gjithashtu, deri më tani kemi pranuar 5 persona të lënduar nga ky aksident, të cilët po trajtohen dhe po marrin kujdesin e nevojshëm nga ekipet tona shëndetësore”, thuhet në njoftim.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!