Manchester United ka arritur marrëveshje me Bolognan për transferimin e sulmuesit holandez, Joshua Zirkzee, raporton Sinjali Sporti.

Lajmin e ka bërë të ditur gazetari italian, Fabrizio Romano, i cili dha detaje rreth këtij transferimi.

Man United nuk do të aktivizojë klauzolën e kartonit të lojtarit, por do të paguajë pak më shumë se 40 milionë euro me kushte më të mira pagese, në tre vjet.

Holandezi do të nënshkruajë deri në qershor 2029 me opsion për sezonin e mëtejshëm.

Ky do të jetë nënshkrimi i parë i epokës së re INEOS.