Një grua e moshës rreth 40 vjeçare po dyshohet se ka tentuar të ngufasë katër fëmijët e saj në lagjen e Kuvajtit në Podujevë. Bashkëshorti i saj ka kërkuar menjëherë ndihmën e Policisë për të shpëtuar fëmijët, shkruan Insajderi.

Motivet e këtij akti të rëndë ende nuk janë të qarta.

Pas alarmimit të Policisë, menjëherë janë dërguar në vendin e ngjarjes njësitet përkatëse të Policisë dhe një ekip mjekësor, të cilët kanë arritur të shpëtojnë fëmijët dhe t’i sigurojnë ata nga çdo rrezik.

Sipas burimeve të Sinjalit nga QKUK raportuan se gruaja ka qenë në gjendje të rënduar psikike dhe është dërguar me urgjencë në repartin psikiatrik për trajtim mjekësor.

Në këtë moment, fëmijët janë në siguri dhe babai i tyre ka dhënë një deklaratë të detajuar për Policinë në lidhje me ngjarjen e rëndë.

Prokurori i Shtetit është njoftuar dhe ka urdhëruar që të nisë hetimi për veprën penale “Keqtrajtim apo braktisje e fëmijëve”, duke siguruar se do të ndërmerren të gjitha masat e nevojshme.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!