Prej kohësh, aktori Flamur Aliji ka bërë viral në rrjet një të mitur i cili jeton në kushte të vështira në Prizren.
Ai ka realizuar mbi 60 video me të të cilat kanë hapur diskutimin nëse është qëllim i pastër apo shfrytëzim për përfitime të tjera.
Së fundmi, u bë virale një video e djaloshit të vogël ku ai shpreh dëshirën që në të ardhmen kur të rritet të bëhet polic.
E duket se kjo video po shërben që djaloshi i vogël të bullizohet.
Në një video, atij i kërkohet të rikrijojë reagimin (fatkeqësisht viral tashmë) kur ishte pyetur nga Flamuri se çka donte të bëhej.
I lodhur nga bullizimet e vazhdueshme me gjasë për të njëjtën temë, ai shihet teksa kundërshton ata që po e filmojnë duke iu thënë: ‘Ikni, ikni’.
Ky ngacmim ka ndodh në mes të qytetit.
Por për shkak të ruajtjes së privatsisë së fëmijës, Insajderi nuk do ta publikoj atë video e cila fatkeqsisht po nxit edhe më shumë bullizëm nga djaloshit të vogël.
Vlen të theksohet se edhe pse djali i publikuar në TokTok ishte i vogël në moshë, Aliji nuk e ka marrë aspak mundin t’ia ruaj identitetin.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
