Një incident i dhunshëm është shënuar pasditen e djeshme në Vushtrri, ku një grua ka pësuar lëndime trupore si pasojë e një rrahjeje.
Zëdhënësi i policisë për rajonin e Mitrovicës së jugut, Avni Zahiti, e ka konfirmuar rastin, duke bërë të ditur se viktima ka kërkuar ndihmë mjekësore pas lëndimeve të marra nga një përplasje me dy persona të dyshuar. Ngjarja ka ndodhur rreth orës 18:40.
Policia ka nisur hetimet për zbardhjen e plotë të rastit dhe identifikimin e personave të përfshirë, raporton Veriu.info, transmeton Insajderi.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
