Një gjerman 55-vjeç raportohet se e ka torturuar, keqtrajtuar dhe burgosur gruan e tij për dymbëdhjetë vjet në Alsace të Francës.

Gruaja 53-vjeçare u zbulua në Forbach, pranë kufirit me Gjermaninë, e zhveshur, e kequshqyer dhe me kocka të thyera në një dhomë apartamenti, thanë të hënën burime të policisë franceze, shkruan Blick.

Burri i saj u arrestua, vijon Blick raportimin.

Ai me sa duket e kishte mbyllur dhe dhunuar gruan e tij që nga viti 2011. Ai është dërguar menjëherë në mbajtje.

Aktualisht gruaja ndodhet në spital. Sipas radiostacionit RMC, policia duhej të hapte derën me forcë për të hyrë në banesë.

Mësohet se gjermani u kishte thënë fqinjëve të tij se gruaja ishte e sëmurë rëndë

“Ne e kemi parë shpesh njeriun. Ai ishte shumë miqësor dhe i sjellshëm. Nuk e pamë kurrë gruan. Rrallëherë e kemi dëgjuar të bërtasë. Na tha se ajo kishte kancer dhe po qante nga dhimbja për shkak të sëmundjes”, thonë dy të rinj.

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja