Katër aktivistëve të Lëvizjes Vetëvendosje – Atdhe Arifi, Frasher Krasniqi, Egzon Haliti dhe Adea Batusha – të cilët janë të dyshuar për sulmin ndaj Kuvendit të Kosovës, u është zgjatur arresti shtëpiak edhe për dy muaj të tjerë.

:Sapo e pranova vendimin për vazhdim të arrestit shtëpiak edhe 2 muaj. Sa më shumë prova që po dalin për pafajësinë tonë, aq më shumë po zgjatet procesi dhe aq më shumë po konfirmohet shndërrimi i sistemit të drejtësisë në sistem të kriminalizuar që i shërben “Pronto”-s”, ka thënë Frashër Krasniqi përmes një postimi në llogarinë e tij në Facebook.

“Jo edhe 2 muaj, por edhe 20 le t’i vazhdojnë. Të mbahesh nën arrest nga kriminelët, nënkupton që ua ke zënë rrugën atyre. E Lëvizja VETËVENDOSJE! po sulmohet kështu pikërisht ngase është alternativa e vetme ndaj kriminelëve”, ka shtuar ai.