Kryeministri i Shqipërisë, Edi Rama, ka reaguar pas dëshmisë së James Rubin, ish-ndihmëssekretarit të Departamentit amerikan të Shtetit, si dëshmitar i mbrojtjes në seancën gjyqësore ndaj ish-krerëve të UÇK’së në Hagë.

Rama me anë të një shkrimi në ‘Facebook’ e ka quajtur “proces shtangës” që “ka njollosur keq drejtësinë ndërkombëtare” gjykimin ndaj ish-krerëve të UÇK’së, shkruan Insajderi.

“LIRIA KA EMËR! Nga dëshmia e ish-Ndihmës Sekretarit amerikan të Shtetit, James Rubin, në Hagë ku një proces shtangës ka njollosur keq drejtësinë ndërkombëtare…”, shkruan ndër të tjera ai.

Rubin ndër të tjera në dëshminë e shpërndarë nga i pari i ekzekutivit shqiptar thotë se ngelet i shqetësuar se si ish-presidenti Hashim Thaçi, i cili iu është vetofruar drejtësisë ndërkombëtare, po mbahet në paraburgim tash e pesë vite.

Më tej, implikon politkisht Gjykatën Speciale duke potencuar se arrestimi i tij ndodhi teksa Thaçi po nisej për në Washington për të nënshkruar marrëveshjen me Serbinë përgjatë Administratës Trump. /Insajderi.org/

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!