Juventus përfundoi transferimin e sulmuesit kosovar Edon Zhegrova nga skuadra e Ligue 1, Lille, në ditën e fundit të afatit kalimtar, me 26-vjeçarin të etur për të treguar vlerat e tij në Torino.
Në një intervistë të shkurtër për llogarinë zyrtare të klubit në Instagram, ylli i ri i ‘Bianconerëve’ u përgjigj në disa pyetje që zbuluan më shumë rreth tij.
Zhegrova u shfaq me humor, duke qeshur kur u pyet “Kush është kundërshtari më i fortë që ke përballuar?” dhe iu përgjigj: “Ende nuk kam një të tillë”.
Ndërsa kur u pyet të përshkruhej me një fjalë, ai zgjodhi “i pandalshëm”.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
