Kandidati për deputet nga radhët e Aleancës për Ardhmërinë e Kosovës (AAK), Egzon Kelmendi, ka prezantuar vizionin e tij për një ekonomi më të fortë dhe jetë të dinjitetshme për qytetarët e Kosovës.

Kelmendi përmes një shkrimi në Facebook, ka potencuar rëndësinë e zhvillimit të ekonomisë familjare përmes industrisë së lehtë, e cila jo vetëm që do të rrisë punësimin brenda familjeve, por edhe do të zvogëlojë shpenzimet e udhëtimit dhe do të forcojë lidhjet mes bizneseve dhe familjeve.

1. Ekonomi familjare me industri të lehtë (rrit punësimin në familje, zvogëlon shpenzimet e udhëtimit në vendin e punës, lidh bizneset me familjet).

2. Me 70 % të tatimit në fitim, lirohen bizneset nëse investojnë në ekonomi familjare – modeli Aksionar – Punëtor – Biznes).

3. Paga minimale 600 deri në 800 euro për 4 vite.

4. Transport publik funksional i cili mbështet vajtje-ardhjet në punë – shpenzimet minimale.

5. Orare pune funksionale, ekonomike që mbështetet në kërkesat e qytetarëve.

6. Mësim funksional i cili mbështetet në oraret e punës së prindërve.

7. Çerdhe (kopshte) funksionale që mbështesin oraret e punës së prindërve.

Ai është shprehur se të gjitha këto, e bëjnë qytetarin të zgjedhë Kosovën.