Ekipi i gjerman është më i shtrenjti mes 24 kombëtareve pjesëmarrëse në Euro 2016, ndërkohë që në këtë listë Shqipëria renditet e 22-ta.

Sipas portalit Transfermarkt, i cili publikon vlerën e kartonit të futbollistëve, kampionët e botës mbajnë vendin e parë me 580 milion euro.

Vlera e futbollistëve gjerman shkon deri në 75 milionë euro.

Në vend të dytë është Spanja, e ndjekur nga Belgjika, Anglia dhe Franca. Italia është e fundit e kombëtareve të mëdha me vlerën 272 milionë euro, 308 milionë më pak se Gjermania.

Ndërkohë vlera e 23 lojtarëve të De Biasit kap shifrën e 46 milion eurove, ku lojtari më i shtrenjtë është mbrojtësi i Napolit Elseid Hysaj, vlera e të cilit shkon deri në 12 milionë euro./tch