Kandidati i Lidhjes Demokratike të Kosovës në Podujevë, Ekrem Hyseni, ka njoftuar se nesër, më 23 shtator, do të mbahet tubimi elektoral i kësaj partie në qytet.
Tubimi do të nisë nga ora 19:30 në palestrën sportive “Hakif Zejnullahu” dhe në të pritet të marrë pjesë edhe kryetari i LDK-së, Lumir Abdixhiku.
Në këtë ngjarje do të bëhet prezantimi i kandidatëve për Asamblenë Komunale të Podujevës.
“Ky është një moment i veçantë, ku bashkërisht, njëzëri, nga Palestra Sportive ‘Hakif Zejnullahu’, do ta përçojmë mesazhin e fitores së madhe të LDK-së, më 12 tetor”, ka shkruar Hyseni, duke ftuar qytetarët t’i bashkohen.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
