Futbollisti nga Peja, Arb Shala, është ndaluar nga policia dhe po përballet me akuza të rënda pas një ngjarjeje të rëndë që ndodhi dje në qytetin e Pejës. Gazeta Insajderi ka siguruar dosjen e prokurorisë, sipas së cilës Shala dyshohet për tentim-vrasje dhe mbajtje të paautorizuar të armës.

Sipas burimeve, i dyshuari ka ndjekur me armë në dorë viktimën, Lirim Nikqi, të cilin më pas e ka plagosur. Pas plagosjes, Shala ka tentuar të qëllojë sërish drejt tij, por arma nuk ka funksionuar, për shkak se, siç thuhet, “armës i ishte bllokuar mekanizmi”. Pas këtij momenti, i dyshuari është larguar nga vendi i ngjarjes, dhe është dorëzuar disa orë më vonë në stacionin e policisë.

Prokurori, Ersan Qavolli, ka kërkuar t’i caktohet masa e paraburgimit prej një muaji ndaj të dyshuarit. Pasi janë përmbushur tri kushtet ligjore: rreziku i arratisjes, mundësia e ndikimit në dëshmitarë dhe asgjësimit të provave, si dhe rreziku i përsëritjes së veprës penale.

Sipas Kodit Penal të Kosovës, vepra penale e vrasjes së mbetur në tentativë dënohet me jo më pak se 5 vjet burg, ndërsa dënimi maksimal për këtë vepër mund të shkojë deri në 25 vjet burgim. Për mbajtjen e paautorizuar të armëve, dënimi parashihet të jetë gjobë deri në 7,500 euro ose burgim deri në 5 vjet.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!