Më 6 tetor 2025, një operacion i përbashkët i Policisë së Kosovës me Prokurorinë ka rezultuar me arrestimin e dy personave të dyshuar për tregti me para të falsifikuara. Burime të Gazetës Insajderi bëjnë të ditur se në pranga ka rënë Ajet Thaçi, i cili u kap në flagrancë teksa tentonte të tregtonte 40 mijë euro të falsifikuara.

Hetimet kishin nisur më 3 tetor, kur informacioni për aktivitetin e tij i ishte përcjellë Drejtorisë për Krime Ekonomike.

Thaçi ishte vu nën vëzhgim përmes teknikave operative video dhe audio-incizime, derisa u arrestua.

Në të njëjtin operacion, policia arrestoi edhe furnizuesin e parave të falsifikuara, Samir Tartarën, shtetas i Serbisë me leje qëndrim në Kosovë.

Nga operacioni u sekuestrua shuma prej 40 mijë eurosh të dyshuara si të falsifikuara, ndërsa hetimet po vazhdojnë.

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja