Dje u arrestuan 14 të dyshuar për trafikun ilegal të armëve. Në këtë operacion të përfshirë ishin autoritetet e Shqipërisë, Prokuroria Speciale e Kosovës dhe Agjencia e Kosovës për Inteligjencë. Gazeta Insajderi, nga burime brenda operacionit sjell emrat e disa prej personave që ranë në pranga.

Emrat e të arrestuarve janë: Arton Hetemi, Klajdi Kasaballi, Shermet Jashari Skender Haziri dhe Valter Osmani.

Në krye të së cilëve qëndronte Valter Osmani.

Ky i fundit u arrestua në Kosovë, por mësohet se është banues në Tiranë, kryesisht në zonën e Kombinatit.

Osmani është dhe “koka” e këtij grupi kriminal, të cilët merreshin me tregtinë dhe trafikimin e armëve.

Në Shqipëri u arrestuan 6 persona, Euxhenio Manushi, 20-vjeç, Endri Papa, 34-vjeç, Aurel Manreka, 28 vjeç, Gersi Llozha, 22 vjeç, Kleu Mucalliu, 26-vjeç; dhe Tonin Shkami, 53-vjeç.

Gjatë këtij operacioni u sekuestruan 22 armë zjarri ‘Zoraki’, një armë zjarri Ak 47, një granatë dore ofensive dhe 470 fishekë të llojeve të ndryshme. Gjithashtu u sekuestruan edhe 3 automjete dhe shuma të konsiderueshme parash e 10 aparate celulare”, bëhet e ditur në njoftim.

Ndërkohë, mediat në Shqipëri raportojnë se ky grup armët i merrnin nga Turqia dhe modifikoheshin në Kosovë, ndërsa pjesa tjetër merrej nga Serbia.

Transporti i tyre bëhej me autobusë dhe automjete të vogla, ndërsa secila nga armët shiteshin nga 800 deri në 1 mijë euro. Grupi nuk trafikonte armë vetëm në Shqipëri, por edhe nga Kosova drejt vendeve të Bashkimit Evropian.