12 pikturat e artistit janë punuar brenda katër viteve të fundit të cilat do të prezantohen nëpërmjet një ekspozite, gjatë ditës së sotme, shkruan KultPlus.

Është ekspozita e parë personale e artistit Engjëll Berisha, i cili do të prezantohet me 12 piktura, të cilat i ka futur nën emërtimin “I ikuri” e që do të prezantohen sot, prej orës 17:00 në Hani i 2 Robertëve, shkruan KultPlus.

I ikuri është auto-portret i cili qendron si realitet brenda kokës së artistit që reflekton mbi ballafaqimin e tij drejt kerkimit të vetëvetës, si reflektim i fazës së femijërisë së hershme në Kosovën e pas-luftës. Kjo ngjarje fillon në orën 17:00 të premtën, e cila do të jetë e shoqëruar me një koktej rasti.