×
  • Lajme
  • Lajme

    Ekstradimi në SHBA i kosovarit të dyshuar për vrasje, reagon Hovenier

    Insajderi
    17 December 2024 - 11:59
    Klikoni Këtu për t'u bërë pjesë e kanalit të Insajderit në Youtube.

    Ambasadori i SHBA-së në Kosovë, Jeffrey Hovenier, ka vlerësuar autoritetet e Kosovës që kanë ekstraduar javën e kaluar në SHBA një kosovar që po dyshohet për një vrasje të kryer në Bronx 18 vjet më parë.

    Hovenier ka thënë se u përdor Traktati i Ekstradimit SHBA – Kosovë.

    “Ne i vlerësojmë shumë autoritetet kosovare që asistuan Qeverinë e SHBA-së në këtë rast. Angazhimi ynë i përbashkët për forcimin e sundimit të ligjit vazhdon t’i bëjë vendet tona më të sigurta”, ka shkruar Hovenier në platformën “X”.

    Kosovari A.G. nga Peja dyshohet për një vrasje të kryer në vitin 2006 në Bronx. Ai dyshohet se pas një zënke në një bar ishte goditur me veturën e tij një turmë të njerëzve dhe la të vdekur një kalimtar të pafajshëm.

    42-vjeçari u ekstradua Më 13 dhjetor dhe pritet të paraqitet në gjykatë në SHBA më 16 janar.

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark