Erion Etemaj, i dyshuari për kultivimin e drogës në Pejë, është ekstradua të hënën nga Shqipëria në Kosovë.

Burimet e Insjaderit thanë se ndaj tij është caktuar masa e paraburgimit prej 48 orë.

Gazeta Insajderi kishte raportuar se Erion Etemaj ishte arrestuar në Republikën e Shqipërisë, me urdhër të Prokurorit Ersan Qavolli, me 21 nëntor të vitit 2024.

Erion Etemaj ishte në mesin e 9 personave ndaj të cilëve ishte lëshuar urdhër arrest  nga Prokuroria e Pejës pasi u kapen më plantacion të kanabisit në vlerë 5 milionë euro në një fshat të Pejës.

Aksioni anti-drogë ishte zhvilluar me 27 shtator në Pejë, ku janë sekuestruar 1 mijë kilogram drogë.

Insajderi kishte arritur të siguronte informacione se si ka funksionuar grupi.

Grupi akuzohet për kryerjen e veprës penale “Kultivimi i bimës së hashashit, shkurres së kokainës ose bimëve të kanabisit” si dhe “Blerja, posedimi, shpërndarja dhe shitja e paautorizuar e narkotikëve, substancave psikotrope dhe analoge”.

Sipas Prokurorisë, kjo vepër është kryer në mënyrë të vazhdueshme dhe numrin e bimëve të mbjella që është 2850 sosh të cilit kishin për t’u nxjerr për t’u thar, që do të ishin për shitje pastaj.

Mbjellja e tyre është bërë në disa parcela, pronarët e të cilave akoma nuk janë identifikuar.

Në vendin e ngjarjes Policia ka arritur të sekuestroj telefonin e të arrestuarit, i cili pritet të egzaminohet.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!