Multimiliarderi Elon Musk ka shitur 22 milionë aksione të reja që kapin vlerën e 3.58 miliardë dollarëve në prodhuesin e veturave elektrike, Tesla, shkruan BBC.

Aksionet u shitën të hënën, të martën dhe të mërkurën e kësaj jave, sipas një dosjeje në një rregullator financiar amerikan.

Në total, Musk ka shitur 40 miliardë dollarë vetëm gjatë vitit të fundit.

Gjatë kësaj jave, Musku humbi pozitën si njeriu më i pasur në botë.

Arsyet e shitjeve të aksioneve të Teslas nuk dihen.

Ai mbetet aksioneri më i madh i Tesla me 13.4% të aksioneve, sipas ofruesit të të dhënave të tregut financiar Refinitiv.

Tesla është një nga komapnitë me performancën më të keqe midis prodhuesve të mëdhenj të veturave dhe kompanive të teknologjisë këtë vit, pasi investitorët shqetësohen se blerja e Twitterit nga Musku po e largon vëmendjen e tij.