Mesfushori i kombëtares së Kosovës, Elvis Rexhbeçaj ka reaguar në rrjetin social “Instagram”, pas fitores së mbrëshme ndaj Suedisë.
27-vjeçari madje ishte në listën e golashënuesve të ndeshjes, që përfundoi 2-0 në të mirë të “Dardanëve”.
Ai e shënoi golin e parë të ndeshjes në minutën e 26-të të takimit.
Në “Instagram” ai ‘shpërtheu’ duke thënë se “krenaria jonë është më e fortë se urrejtja e gojëligëve”.
“Mbrëmë triumfuam! Fitoret si ajo e mbrëmshme janë më shumë se një rezultat – janë shpirt, zemër e gjak për këtë vend. Krenaria jonë është më e fortë se urrejtja e gojëligëve. Kosova gjithmonë ngrihet dhe lufton për fitore! Fitojmë bashkë, humbim bashkë, gjithmonë një zemër, një ekip!”, shkroi ai.
Rexhbeçaj deri më tani i ka 11 paraqitje me kombëtaren e Kosovës në të gjitha garat, duke përfshirë edhe miqësoret.
Ai ka shënuar dy gola gjatë këtyre ndeshjeve.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
