Ministri i Ekonomisë së Emirateve të Bashkuara Arabe, Sultan Bin Saed Al Mandouri, ka thënë se Kosovën e shohin si vend strategjik për investime në turizëm dhe bujqësi, për shkak të pozitës gjeografike.

Ai tha se Kosova ka potencial dhe resurse përmes të cilave mund të krijojë perspektivë të sigurt për zhvillim të hovshëm ekonomik.

Kryetari i Kuvendit të Kosovës, Kadri Veseli, gjatë qëndrimit në Emiratet e Bashkuara Arabe, ua ka prezantuar atyre kapacitetet që ka Kosova për investime të huaja.

Kryetati Veseli ka prezantuar tek Ministria e Ekonomisë potencialet që ka Kosova për investime në agrokulturë, turizëm dhe industri.

Kryetari Veseli kërkoi nga ministri i Ekonomisë që t’i nxisë investitorët e Emirateve të vizitojnë Kosovën dhe të investojnë në fushat përkatëse, pasi sipas Veselit, Kosova ofron shumë mundësi dhe ka resurse humane për investitorët e huaj./Insajderi.com

Lexo edhe:

Zgjerimi i Konak-ut në Kalabri nxit pakënaqësi dhe përplasje